En Baión coñecemos ben o San Xoán pois a igrexa parroquial está dedicada a este santo. Se somos precisos, deberiamos sinalar que a tradicion da súa festa é moi anterior. Provén dos tempos do paganismo, nos que todos os ritmos da vida viñan marcados pola natureza. Pero iso agora tanto ten.
Beatriz Rodríguez, de sexto de primaria, escolleu para a súa presentación un bonito conto de Agustín Fernández Paz que leva por título A lúa na fiestra. E aínda que andamos xusto no outro cabo do ano, achegándonos máis e máis á noite máis longa, pareceunos unha ocasión magnífica para lembrar algúns costumes desa noite de alegría na que damos a benvida ao verán con cacharelas e grande festa. Deunos para falar das herbas de San Xoán, esas que mesturadas con auga, ao albor do día seguinte, teñen un recendo máxico.
Ai, estes contos nos que facemos realidade ese soño eterno de poder voar, de pasar como foguetes por enriba das casas, ollar o mar como fan as gaivotas, os ríos, as montañas e as fragas húmidas cheas de vida animal.
Gustounos tanto o conto que quixemos contarllo ao autor. Por iso preparamos un tuit e enviámolo a Agustín Fernández Paz, quen, coa súa habitual xenerosidade, decidiu contestarnos axiña prometendo que recibiremos carta del. Agardamos por ela con ilusión. Agustín significa moito na nosa literatura infantil e xuvenil.
Beatriz Rodríguez, de sexto de primaria, escolleu para a súa presentación un bonito conto de Agustín Fernández Paz que leva por título A lúa na fiestra. E aínda que andamos xusto no outro cabo do ano, achegándonos máis e máis á noite máis longa, pareceunos unha ocasión magnífica para lembrar algúns costumes desa noite de alegría na que damos a benvida ao verán con cacharelas e grande festa. Deunos para falar das herbas de San Xoán, esas que mesturadas con auga, ao albor do día seguinte, teñen un recendo máxico.
Ai, estes contos nos que facemos realidade ese soño eterno de poder voar, de pasar como foguetes por enriba das casas, ollar o mar como fan as gaivotas, os ríos, as montañas e as fragas húmidas cheas de vida animal.
Gustounos tanto o conto que quixemos contarllo ao autor. Por iso preparamos un tuit e enviámolo a Agustín Fernández Paz, quen, coa súa habitual xenerosidade, decidiu contestarnos axiña prometendo que recibiremos carta del. Agardamos por ela con ilusión. Agustín significa moito na nosa literatura infantil e xuvenil.
Comentarios
Publicar un comentario
Aquí podes deixar o teu comentario que publicaremos en canto sexa revisado.